DİA.AZ: - Bir müddət əvvəlindən vəhabilərin Azərbaycandakı biznes şəbəkələri ilə bağlı məlumat vermişdik və bildirmişdik ki, bu təhlükəli təriqət üzvləri sərmayəsiz biznes imkanlarına malikdirlər. Həmin faktları təkrar olaraq diqqətinizə təqdim edirik:
“Redaksiyamız ilk olaraq Azərbaycana ən böyük bəlaları vəd etməsi şübhə doğurmayan vəhabilərlə bağlı müəyyən bilgiləri paylaşmaq qərarına gəlib. Kimdir onlar? Bunu artıq hamımız yaxşı bilirik və hətta əzbərləmişik də… İngilis kəşfiyatının zamanında Osmanlı İmperiyasına - Xilafətə və həm də bütünlükdə olaraq müsəlman dünyasına qarşı yaratdığı ən böyük silahlardan olan vəhabilik dünya durduqca ingilisin işinə yarayan bir servisdir.
Azərbaycanda Küveytin və Səudiyyə Ərəbistanının hesabına var olan bu dini cərəyan nümayəndələri özlərinə sələfi-xavaric, İŞİD və s. adlar qoşsalar da, onların ümumi adı olan vəhabilik daha işləkdir və həm də mahiyyətlərində fərq olmadığından yerində işlənən ifadədədir.
Onların bu gün Küveyt və Səudiyyə Ərəbistanındakı şeyxlərin himayəsində olduqları danılmaz faktdır. Arxalarında isə ABŞ, İsrail və Böyük Birtaniya kimi İSLAM DÜŞMƏNLƏRİ DAYANIR. Hətta bu gün Həcc ziyarəti biznesini əlindən vermək istəməyən bütün Qafqazın Şeyxi Hacı Allahşükür Paşazadə cənabları da vəhabilərin üzərinə ürəklə və həvəslə yeriyə bilmir. Çünki faydalanır. Onlardan faydalanan tək Qafqaz Müsəlmanları İdarəsinin sədri deyil. Ayrı-ayrı məmurlarımız da bu gün vəhabilərin Azərbaycanda barındırılmasının müqabilində verilən milyonları xərcləməkdədirlər. Yəni faydalananlar bol olsa da, itirən tək Azərbaycandır ki, bu da onların umrunda belə deyil.
Yox, əgər bu ittihamlarız ən azından QMİ sədri Allahşükür Paşazadə cənablarını qane etmirsə, o zaman əks arqumentlərini buyurub ortaya qoysunlar və izah etsinlər ki, vəhabirlərə qarşı başlatdıqları kampaniyanı nədən yarıda kəsməli oldular? Vəziyyət o həddədir ki, Şeyx cənabları həm də nurçulara qarşı eyni qaydada qısır kampaniya apardı və geri çəkilmək zorunda qaldı.
Gələk vəhabilərə. Azərbaycanda bu təriqət mənsubları ilə təması olan böyük əksəriyyətə onların yüksək maddi rifah halı yaxşı məlumdur. Yəni əxilərin pul kimi problemi yoxdur. İşləmədikləri halda belə gözəl, rahat həyat sürürlər.
Məşhur İtaliya şirkəti Azərbaycan vəhabilərinin əsas qida mənbəyidir
«Hardandır bu gözəllik» deyə soruşanlara DİA.AZ olaraq ilginc faktları təqdim edirik. Araşdırmalarımız nəticəsində ortaya çıxır ki, sən demə, Azərbaycan vəhabiləri konkret şəkildə maliyyələşmirlər və onların qidalanması üçün Bakıda ciddi bir şəbəkə qurulub.
Həmin şəbəkəyə davamlı şəkildə Dubaydan, Küveytdən, Çindən və müxtəlif ünvanlardan vəhabilərin dəstəyi ilə əsasən inşaat materialları, divar kağızları, ətriyyatlar, boyalar və s. bu kimi yaxşı pulgətirən mallar göndərilir. Bu əsnada xüsusi olaraq fərqlənəni Bakıda da böyük şəbəkəyə malik olan «Zambaiti» divar kağızları firmasıdır.
Məlumatlı mənbə diaaz.space-a bildirir ki, əslində bu divar kağızları birbaşa olaraq vəhabilərin Azərbaycanda maliyyələşmələrinin təşkili üçün ölkəmizə idxal olunur. Mənbəyə görə, Dubaydan göndərilən və saysız-hesabsız olan bu divar kağızlarının satışı ölkəmizdə rahat şəkildə həyata eçirilir və əldə olunan bütün vəsait Azərbaycan vəhabilərinin maliyyələşdirilməsinə sərf olunur.
Mənbəmiz iddia edir ki, həta biznes maraqlarının olmaması səbəbindən, yəni geriyə - mal göndərən ünvana heç bir ödəmə zərurəti olmadığından bu divar kağızlarının nisyə satışı halında borclanan şəxs unudulur, ondan heç bir zaman pul tələb olunmur. Bu, ona görə deyil ki, vəhabilər belə xeyirxahdırlar və onlar millətə yaxşılıq edirlər. Ona görədir ki, biznes maraqları olmadığından, mayaları batmadığından heç bir mühasimabtılığı həyata keçirmirlər”.
Onu da bildirək ki, DİA.AZ-a «Zambaiti» divar kağızlarının satışı ilə bəşğul olan çevrə ilə bağlı ilginc faktlar ötürülüb. Məlumatlı mənbə iddia edir ki, bu gün vəhabilərin Azərbaycanda əsas maliyyə qaynağı kimi tanınan bu şəbəkəyə Dövlət Gömrük Komitəsinin yüksək ranqlı məmurlarından biri tərəfindən dəstək verilir.
Mənbə iddia edir ki, Dubaydan Azərbaycana idxal olunan «Zambaiti» divar kağızlarına görə, gömrük rüsumu rəsmən tutulmasa da, sözügedən gömrük məmuru az qala vəhabilərlə ortaq kimi davranaraq, onlardan bir aya 500 min ABŞ dolları həcmində haqq alır. Bu pul isə həmin məmurumuza Səudiyyə Ərəbistanından göndərilir.
Mənbənin diaaz.space-a söylədikləri: “Sual oluna bilər: Nədən Səudiyyə Ərəbistanı elə pulu birbaşa olaraq Bakıda dəstəklədiyi vəhabilərə ötürmür? Cavabı çox sadədir: birbaşa maliyyələşmə hər zaman təhlükəli olub”.
DİA.AZ bu arad maraqlı rəqəmləri də əldə edib.
Bildirək ki, bu rəqəmlər ümumi divar kağızı bazarına aid olsa da, böyük hissəsi məhz vəhabilərin payına düşür. 2014-cü ildə Azərbaycana rəsmən 5 milyon 290,1 min məbləğində divar kağızı gətirilib. Bu, Gürcüstana olan tədarükdən (15 milyon 446,9 min) 3 dəfə azdır. Ekspertlər bunu gömrükdəki korrupsiya ilə bağlayırlar.
Dövlət Statistika Komitəsinin məlumatına görə, ötən il Azərbaycana 6 440,2 ton divar kağızı tədarük edilib. Bu, əvvəlki ildəkindən 10 faiz çoxdur. Onların alınması xərcləri 959,3 min dollar və ya 22,1% artıb, deyə rəsmi qaynaqlar bildirir.
Amma tədarükçü ölkələrlə müqayisə göstərir ki, divar kağızlarının qiyməti süni şəkildə ucuzlaşdırılır. Məqsəd ƏDV və gömrük rüsumundan yayınmaqdır, həmin məbləğ nağd şəkildə gömrüyə ödənilir, deyə idxalçılar bildirir.
Məsələn, Belarus Milli Statistika Komitəsinin məlumatına görə, 2014-cü ildə bu ölkədən Azərbaycana idxal üçün 341 ton divar kağızları (+1%) alınıb və 1 milyonn 439,6 min (+16,8%) dollar ödənilib. Bu dövrdə Azərbaycan gömrüyündə 193,8 min dollar məbləğində 321,9 ton Belarus divar kağızları rəsmiləşdirilib. Yəni mal Belarus sərhədini keçəndə 4 221 dollardan keçib, Azərbaycan gömrüyündə isə bundan 7 dəfə ucuz - tonu 602 dollardan rəsmiləşdirilib.
Ukraynadan daha çox divar kağızları alınıb. Ötən il bu ölkədən 4 min 89,8 ton, RF-dən 1115,9 ton mal gətirilib.
Azərbaycan gömrüyündə Britaniya markalı divar kağızları daha bahadır. Onun tonu (1,5 ton) 13 266 dollara sənədləşdirilib. Yəqin, idxalçı Britaniya şirkəti və ya Azərbaycan hökumətidir.
İtaliya divar kağızları 3 dəfə ucuz - tonu 4744 dollara sənədləşdirilib. Bu, 2013-cü ildəkindən 3 dəfə bahadır. Yəni buradan aydəın olur ki, İtaliya istehsalı olan divar kağızlarından "qidalanan" vəhabilər hətta gömrükdə öz mallarını ucuz qiymətə "oformit" etməyə belə imkanlıdırlar.
Ötən il Türkiyədən - 325,7 ton (861,1 min dollar), Almaniyadan - 232,8 ton (181,2 min dollar), ÇXR-dan - 226 ton (155,4 min dollar), Belçikadan - 41,5 ton (25 min dollar), Fransadan - 2,5 ton (1,9 min dollar), Niderlanddan - 17,3 ton (28,9 min dollar) da divar kağızları alınıb.
İlkin hesablamalara görə, Azərbaycanda divar kağızlarının qanunsuz dövriyyəsi 20 milyon dollardır. Gəlin etiraf ki, bu kifayət qədər ciddi rəqəmdir, belə görünür, dövlət büdcəsi hər il divar kağızlarının qanunsuz dövriyyəsindən milyonlarla manat itirdiyi halda, kimlərsə öz kapitalını artırır.
Onu da deyək ki, ölkədə divar kağızlarının idxalı və satışının da müəyyən məmurların və onlara yaxın iş adamlarının nəzarətində olduğu şübhə doğurmur. Onlar "qaz vurub qazan doldurarkən" bundan itirən isə dövlət büdcəsi olur.
Yəqin ki, aidiyyatı qurumlar yuxarıda göstərilən rəqəmlərin təhlili nəticəsində ortaya çıxan qanunsuzluq hallarını araşdıracaq, bu halların aradan qalxması və onları yaradanların cəzalandırılması istiqamətində zəruri addımlar atacaqdır. Belədə qazanan ilk növbədə neft pullarının azalması nəticəsində onsuz da sıxıntı yaşayan dövlət xəzinəsi olardı. Ən əsası isə odur ki, bu korrupsiya faktının mövcudluğu təhlükəli təriqətlərin işinə yarayır.
