DİA.AZ: - “Doqquz aydır ki, əlillik pensiyamı kəsiblər. Tək qadınam, heç bir yerdən gəlirim yoxdur. 260 manat pensiya alırdım. Həmin pul ilə həm dolanışığımı, həm də dərmanlarımı almağa çalışırdım”.
DİA.AZ xəbər verir ki, Kürdəmirin Sor Sor kənd sakini Təzəgül Əsədova belə deyir. O, ikinci qrup əlildir, “Mərkəzi sinir sisteminin iltihabi xəstəliklərinin nəticələri Serebral araxnoiditinin davamlı qalıq əlamətləri” xəstəliyindən əziyyət çəkir.
“Vəziyyətim çox acınacaqlıdır. Qohum evinə sığınmışam. İşləmək qabiliyyətim yoxdur, tez – tez baş ağrılarım, halsızlıq, qıcolma tutmaları baş verir, əsəblilik, tez yorulma halları olur. İş görməkdə mənə qonşular, qohum – əqraba kömək edir”.
Şikayətçi keçən ilin avqust ayında Ucar rayon Mərkəzi Xəstəxanasına (Ucar rayon Şilyan kəndində qeydiyyatdadır red.) müraciət edib, bir həftə xəstəxanada ambulator müalicə alıb. Daha sonra sənədlərini Tibbi – Sosial Ekspert Komissiyasına (TSEK) göndərib. TSEK-dən “göndəriş natamam doldurulub” cavabı ilə imtina gəlib.
Məsələ ilə bağlı diaaz.space olaraq bütün maraqlı tərəfləri dinləməyə hazırıq...
