Quba rayonu, Vladimirovka kənd sakinləri tərəfindən Hurriyyet.az saytının redaksiyasına şikayət məktubu daxil olub. İllərdir mavi yanacağa həsrət qaldıqlarının deyən şikayətçilər saytımız vasitəsilə Prezident İlham Əliyevə müraciət edirlər:

“Cənab Prezident!

Vladimirovka kənd sakinləri adından Sizin Qarabağ torpaqlarının düşməndən azad olunması üçün həyata keçirdiyiniz daxili və xarici siyasətinizi yüksək qiymətləndiririk. Sizin rəhbərliyiniz altında, Ordu və Xalqın birliyi nəticəsində biz qələbəyə nail olmuşuq. Ona görə də Vladimirovka kənd sakinləri adından Sizə dərin təşəkkür edirik.

Cənab Prezident!

Bildirmək istəyirik ki, Vladimirovka kəndi Quba rayonundan 3 km uzaqlıqda, Bakı-Rusiya magistralınını kənarında yerləşir. Kənd ərazisinin 50 faizi Sovet dövründə təbii qaz xəttinin çəkilməsi nəticəsində qazla təmin olunsa da, qalan 50 faiz ərazidə qaz xətti olmadığından, əhali mavi yanacaqdan istifadə edə bilmir.

Biz, 300 ailə, 25-30 ildir ki, Vladimirovkada fermaətrafı ərazidə yaşayırıq, əgər buna yaşamaq demək olarsa. Hər il qış mövsümündə çox çətinliklərlə üzləşirik. Qaz xəttinin olmaması səbəbindən uşaqlar, yaşlılar tez-tez xəstələnirlər.

Bizim əraziyə qaz xəttinin çəkilməsi üçün müraciət etmədiyimiz qurum qalmayıb. Şikayətlərimizə istər rayon İcra başçıları, istər də “Azəriqaz” İstehsalat Birliyinin baş direktoru Azər Məmmədov laqeyd yanaşırlar. O, sanki “Azəriqaz”ı özəlləşdirib. Belə ki, məmurlar üçün tikilmiş villalara, obyektlərə tez bir zamanda qaz çəkilməsi tapşırığını verir. Biz kənd əhalisi isə 25 ildir təbii qazın üzünə həsrət qalmışıq.

Sizdən xahiş edirik ki, bizim müraciətimizi nəzərə alıb, 300 ailənin sevindirilməsi üçün tapşırıq Qeyd edək ki, məsələ ilə bağlı “Azəriqaz” İstehsalat Birliyinin mətbuat xidmətinə məlumat verilib. Qurumun mövqeyini dərc etməyə çalışacağıq.