Rusiya Ukrayna şəhərlərini qısa müddətdə məhv edə bilər, amma bunu istəmir.
APA xəbər verir ki, Ağ Ev rəhbəri Donald Tramp bunu Mar-a-Laqodakı malikanəsində jurnalistlərə açıqlamasında bildirib.
“Onlar Kiyevi bombalamadılar, çünki düşünürəm ki, ora çoxlu raket atmaq istəmirlər. Bu prosesi cəmi 20% həyata keçirdilər, 100% yox. Əgər onlar bunu 100% etmək istəsəydilər, yəqin ki, bu, çox tez bir şəkildə baş verərdi,” – Tramp vurğulayıb.
Amma Ukraynada elə şəhərlər var ki, onlar tamamilə dağıdılıb.
ABŞ prezidenti Zelenskiyə də müraciət edərək, onun Ukraynanın danışıqlar masasına buraxılmaması ilə bağlı bəyanatını xatırladıb.
“3 ildir bu işlə məşğulsan. Bunu 3 il əvvəl bitirməliydin, heç başlamamalıydın. Razılaşa bilərdin”, - Ağ Ev rəhbəri deyib.
ABŞ prezidentinin fikrincə, bu razılaşma Ukrayna şəhərlərinin toxunulmaz qalmasına, insanların sağ qalmasına və ölkənin demək olar ki, bütün ərazilərini saxlamasına imkan verərdi.
