APELLYASİYA MƏHKƏMƏSİ İCRA BAŞÇISINA İŞLƏYİR
25-09-2012, 12:35
HAQQI TAPDANAN QARADAĞLI SAHİBKAR PREZİDENTDƏN KÖMƏK İSTƏYİR
DİA.AZ: - Redaksiyamıza daha bir şikayət məktubu daxil olub. Xatırladaq ki, Qaradağ rayon icra hakimiyyətinin başçısı Süleyman Mikayılov tərəfindən haqqı tapdanan sahibkar Ağayev Ağahüseyn Qulam oğlunun üzləşdiyi problemlərlə bağlı hələ əvvəlcədən də sizləri məlumatlandırmışdıq. İndi isə narazı sahibkar məhkəmə çək-çevirləri, hakim özbaşınalığı ilə bağlı DİA.AZ-a şikayət edib.
Şikayət məktubunda deyilir: «Bildirim ki, Lökbatan qəsəbəsi 28 may küçəsi 7 ünvanında yerləşən İXMİM-nin 15 saylı bazarının alqı-satqısına dair 05.10.2010-cu il tarixində 30\1 saylı hərrac protokoluna əsasən bazar Qasımov Hüseyn Əli oğluna satılmışdır. Alqı-satqı zamanı kobud qanun pozuntularına yol verilib. Belə ki, bazarın önündə 11 ayrı-ayrı sahibkara məxsus ticarət cərgəsində yerləşən, o cümlədən də biri də «Azərittifaq»a məxsus mağaza bazarın ərazisinə daxil edilib».
Hər halda, Azərbaycanda buk imi özbaşınalıqlara adət etmişik. Və narazı sahibkar bildirir ki, «Azərittifaq»ın balansına aid olan mağazanın qanunsuz olaraq hərraca çıxarılmasına etiraz olaraq verdiyi şikayət üzərə iddiası 1 saylı Bakı İncibati İqtisad Məhkəməsi tərəfindən 18 may 2012-ci il tarixində hakim Qurban Abbasovun sədrliyi ilə keçirilən iclasda qismən təmin edilib: «Bildirim ki, bizə məxsus olan bu obyektlər rayon icra hakimiyyəti tərəfindən verilmiş sərəncam əsasında özümüz tərəfindən tikilib».
Narazı sahibkar bildirir ki, birbaşa olaraq Qaradağ rayon icra başçısı Süleyman Mikayılova axın şəxslər tərəfindən bazarın ələ keçirilməsinin ardından bazara aid 1983-84-cü illərdə verilmiş pasport qəsddən məhkəmə orqanlarından gizlədilmiş və bunun əvəzində əmlak məsələləri üzrə dövlət komitəsi tərəfindən sonradan hazırlanmış və əslində saxta hesab olunası sənədlər ortaya çıxarılıb. Və həmin sənədlər əsasında əmlak məsələləri üzrə dövlət komitəsinin qanunsuz bir qərara imza atdığı aydın olur. Belə ki, dövlət komitəsi bazarın ətrafındakı şəxsi obyektlər bir yana, hətta «Azərittifaq»a məxsus mağazanı da bazarın ərazisi kimi rəsmiləşdirib ki, bu da əslində Azərbaycanın müvafiq qanunları ilə cinayət hesab olunmalıdır.
Onu da bildirək ki, bunlar azmış kimi, əmlak məsələləri üzrə dövlət komitəsinin qanunsuz yolla hazırladığı həmin sənədlər üzrə saxta özəlləşdirmə işi həyata keçirilib və bunun da nəticəsində 11 sahibkarın və eləcə də «Azərittifaq»ın haqqı tapdanıb.
Narazı sahibkarın redaksiyamıza bildirdiyinə görə, bütün bu işlərin arxasında birbaşa olaraq Qaradağın icra başçısı Süleyman Mikayılov dayanır və özünün hazırki mövqeyindən istifadə edən Süleyman Mikayılov nəinki əmlak məsələləri üzrə dövlət komitəsi kimi bir dövlət qurumunu, hətta məhkəmələri belə öz maraqlarına uyğun qərar çıxarmağa, addım atmağa sövq edə bilir.
Onu da bildirək ki, hazırda sözügedən məsələ ilə əlaqədar sahibkar Ağayev Ağahüseyn Qulam oğlu Bakı Apellyasiya Məhkəməsinə müraciət edib və iş Valeh Ağayevin icraatındadır. Amma bu dəfə də haqqı tapdanan sahibkarın haqqının ayaqlar altına atılacağı gözləniləndir. Çünki artıq indidən hakim Valeh Ağayev özünün absurd davranışları ilə diqqətə gəlməkdə, hansı qərarı çıxaracağını indidən hiss etdirməkdədir.
Redaksiyamıza danışan sahibkarın sözlərinə görə, onun vəkilinin məhkəmə prosesində iştirakını müxtəlif bəhanələrlə əngəlləyən, vəkilinin digər məhkəmə iclaslarında olduğu vaxtlara məhkəmə iclası təyin edən Valeh Ağayevin qərəzi aşkar surətdə hiss olunandır: «Mənim müdafiəmi indidən zəif hala salırlar ki, əvəldən bəli olan mövqelərini qərar formasında rahatlıqla elan edə bilsinlər».
Bütün bunlarla bağlı ölkə başçısına və Prezident Administrasiyasının hüquq şöbəsinin müdiri Fuad Ələsgərova müraciət edərək, redaksiyamız vasitəsilə kömək istəyən haqqı tapdanan sahibkar eyni zamanda dövlət əmlak komitəsini də bu saxta sənədləri səbəbindən məhkəməyə verdiyini də bildirdi.
Bu barədə növbəti materialımızda daha geniş bilgiləri diqqətinizə çatdıracağıq. Bizi izləməkdə davam edin…
Geri qayıt