Göygöl sakini “Global Mining” şirkətini İTTİHAM EDİR
29-12-2024, 16:01
Göygöl rayonu, Tulallar kənd sakini Tağıyev Rəşad Şöhrəddin oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi müraciətində “Global Mining” şirkətini ittiham edir:
“Bildirim ki, “Global Mining” şirkətində mühafizəçi işləyirdim. 400 manat maaş alırdım.
4 övladım var. Aliment ödəyirəm. Banklara kredit borcum var.
Məni məzuniyyətə çıxardılar. Bildirdilər ki, sənə məzuniyyət pulu veriləcək. Lakin cəmi 222 manat ödənildi. Sonra isə məni işdən azad etdilər.
Dəfələrlə müraciət etsəm də, işdən azad edilməyimin səbəbini izah etmirlər. Xahiş edirəm, mənə kömək edin”.
Geri qayıt