"Azəriqaz" İstehsalat Birliyində kadr dəyişikliyi olub. "DİA-AZ" xəbər verir ki, bu barədə Neftçilərin Hüquqlarının Müdafiəsi Təşkilatının sədri Mirvari Qəhrəmanlı məlumat yayıb. Hüquq müdafiəçisi qeyd edib ki, dəyişiklik oktyabr və noyabr aylarında baş verib.
"DİA-AZ" xəbər verir ki, dəyişiklik zamanı "Azəriqaz" İstehsalat Birliyinin baş direktorunun müavini Abdullayev Nail 18.11.2024-cü il tarixində "Azəriqaz" İstehsalat Birliyinin baş direktorunun birinci müavini (əməliyyat üzrə) təyin olunub.
Baş direktorun müavini Teymur Vəliyev əvvəl müşavir təyin olunub. Müşavir keçəndən dərhal sonra isə baş direktorun kommersiya üzrə müavini təyin olunub.
Baş direktorun müavini Cahid Hüseynov baş direktorun müşaviri təyin olunub.
Baş direktorun ümumi məsələlər üzrə müavini Zaur Qəribov isə birliyin aparat rəhbəri təyin olunub.
Bildirək ki, kadr dəyişikliyi ilə bağlı məlumatlar yerli KİV-də İlk dəfə olaraq ictimailəşir.
