Əgər Kərəm Mustafayev bu faktı gizlədibsə...
5-12-2022, 08:34
DİA.AZ: - Naxçıvanda "əcaib işlər" silsiləsindən növbəti fakt açıqlanıb. Hər halda zaman-zaman bu faktlarla tanış olduqda heyrətlənməyə bilmirsən. Və diaaz.space olaraq bildirir ki, ən acınacaqlısı isə hələ də bu prosesin davam etməsidir. Beləliklə...
"Naxçıvanda qulluq edən hərbçilərdən birinin mənə verdiyi məlumata görə, bu ilin iyul ayında Naxçıvan hərbi hava qüvvəlırinin təlimi zamanı 1 hərbi helikopter idarəetməni itirib və arxa hissəsi dağa dəyib quyruğu qırılıb". DİA.AZ bildirir ki, bunu da özünün sosial şəbəkədəki statusunda araşdırmaçı-jurnalist Heydər Oğoz paylaşıb.
Tanınmış jurnalist daha sonra davam edir: "Xoşbəxtlikdən ekipaj üzvlərindən heç biri xəsarət almayıb. Lakin Naxçıvan əlahidə umumqoşun komandiri Kərəm Mustafayev Vasif Talıbovun tapşırığı ilə bu hadisəni Azərbaycan rəhbərliyindən gizlədib".
Olayı qiymətləndirən H. Oğuz "Mənim anlamadığım bir məsələ var. Əgər bu məlumat doğrudursa, onu niyə ictimaiyyətdən gizlədirlər?" deyərək sual edir və əsas olaraq vurğulayır:
"Axı qəza qəzadır, onun baş verməsi insan iradəsindən asılı deyil. Görünür, Naxçıvanda "0 cinayət" kimi "0 qəza" prinsipi də keçərlidir. Yəqin cənab "xan" elə düşünür ki, yaxşı hökmdarın məmləkətində nə pandemiya, nə cinayət, nə də qəza baş verə bilər".
İddia olunanlarla bağlı diaaz.space olaraq bütün əlaqədar qurum və şəxslərin mövqeyini işıqlandırmağa hazırıq...
Geri qayıt