Gürcüstan XİN başçısı Ermənistana səfər planlaşdırır
25-01-2025, 16:23
Gürcüstan xarici işlər naziri (XİN) Maka Boçorişvili Tbilisidəki Ermənistan səfiri Aşot Smbatyan ilə görüş keçirib.
“Report” xəbər verir ki, bu barədə Gürcüstan XİN-in mətbuat xidməti məlumat yayıb.
Məlumatda qeyd edilib ki, tərəflər görüşdə Tbilisi və İrəvan arasında əməkdaşlıq məsələlərini müzakirə ediblər. Vurğulanıb ki, yanvarın sonunda Gürcüstan XİN başçısı Ermənistana səfər edəcək.
XİN-dən bildirilib ki, gələn həftə, həmçinin Gürcüstan-Ermənistan Hökumətlərarası Komissiyasının iclası keçiriləcək.
Geri qayıt