Paşinyanla Putin telefonla danışdı:
Dünən, 15:26
Ermənistanın Baş naziri Nikol Paşinyanla Rusiya Prezidenti Vladimir Putin arasında telefon danışığı olub.
Ölkə.Az xəbər verir ki, bu barədə Ermənistan hökumətinin mətbuat xidmətindən məlumat verilib.
Bildirilib ki, tərəflər Ermənistanın Avrasiya İqtisadi İttifaqında sədrliyinin yekunlarını, Aİİ çərçivəsində qarşıda duran tədbirləri, eləcə də Ermənistan-Rusiya ikitərəfli gündəliyinin bir sıra məsələlərini müzakirə ediblər.
Bununla belə, erməni və rusiyalı ekspertlər hesab edirlər ki, telefon danışığı zamanı İrəvanın son dövrlərdə Moskvadan uzaqlaşan xarici siyasi kursu, xüsusən də Ermənistanın Avropa ittifaqına üzvlüklə bağlı qəbul etdiyi qərar, ABŞ ilə imzalanan strateji tərəfdaşlıq sazişi də müzakirə edilib.
Ekspertlərin fikrincə, telefon danışığında Kreml İrəvanın son addımlarından narazı olduğu dilə gətirərək, bu məsələlərə aydınlıq gətirməsi istiqamətində fikir mübadiləsi aparılıb.
Qeyd edək ki, Ermənistanla Rusiya arasında yaranmış gərginlik bu yaxınlarda Moskvaya səfər edəcək xarici işlər naziri Ararat Mirzoyanla daha detallı şəkildə müzakirə olunacaq.
Geri qayıt