İcra başçısı şəhid anası Zelimə Əsədovanı 80 illik yubileyi münasibəti ilə ziyarət edib
Bu gün, 12:38
Tərtər Rayon İcra Hakimiyyətinin başçısı Müstəqim Məmmədov Tərtər şəhərində Birinci
Qarabağ müharibəsi şəhidi Əsədov Mahir Yelmar oğlunun ailəsini ziyarət edib, anası
Zelimə Əsədovanı 80 illik yubileyi münasibəti ilə təbrik edərək, ona gül dəstəsi və rayon
icra hakimiyyətinin təşəkkürnaməsini təqdim edib.
Rayon rəhbəri şəhid və qazilərin qəhrəmanlıqlarından söz açıb və bildirib ki, bu gün
onların qanı-canı bahasına torpaqlarımız işğaldan azad olub, suverenliyimiz bərpa
edilib.
Qeyd edək ki, Əsədov Mahir Yelmar oğlu 1976-cı il yanvar ayının 15-də Tərtər
rayonunda anadan olub. 1992-ci ildə şəhər 1 nömrəli məktəbi bitirib. Qarabağ savaşı
başlanan zaman könüllü olaraq milli orduya yazılanlardan biri də Mahir olub. Çox ağır
və şərəfli döyüş yolu keçmişdir. 1993-cü ildə Haterk istiqamətində döyüş zamanı
yoldaşları ilə birgə mühasirəyə düşür, hər iki ayağını don vurur. Lakin qospitalda
müalicəsini tamamlayan kimi yenidən "20 Yanvar" batalyonunun tərkibində döyüşlərə
qatılır. Həmin ilin iyul ayının 22-də Ağdərə rayonunda artilleriya atəşindən şəhid
olmuşdur.
Tərtər şəhər qəbiristanlığında dəfn olunub. Yaşadığı küçə onun adını daşıyır.
Şəhidin ailə üzvləri onlara göstərilən diqqət və qayğıya görə Azərbaycan
Respublikasının Prezidenti cənab İlham Əliyevə və Birinci vitse-prezident Mehriban
xanım Əliyevaya öz minnətdarlıqlarını bildiriblər.
"DİA-AZ"
Geri qayıt