Rusiyanın Voronej vilayətində hərbi helikopter qəzaya uğrayıb
5-01-2025, 09:14
Rusiyanın Voronej vilayətində Mi-28 hərbi helikopteri qəzaya uğrayıb və sərt enişdən sonra alovlanıb.
APA xəbər verir ki, bu barədə Voronejin “Moyo” portalına İstintaq Komitəsinin hərbi idarəsindən məlumat verilib.
“Sosial şəbəkələrdə hadisənin saat 18:00 radələrində baş verdiyini bildirirlər. Qəzanın səbəbləri məlum deyil”, - məlumatda deyilir.
Qəzanın yanvarın 1-də baş verdiyi vurğulanır.
Sərt enişdən sonra yanğın Mi-28-i tamamilə yararsız vəziyyətə salıb.
Portalın məlumatına görə, İstintaq Komitəsi hadisədən sonra yoxlama təşkil edib.
Geri qayıt