2 ildir Psixatriya xəstəxanasında fasiləsiz müalicələr alsa da...
11-03-2024, 08:21
Şəki rayonu, Baş Göynük kənd sakini, ağır sağalmaz ruhi xəstə Gülməmmədov Mürsəl Məmmədhəsən oğlunun həyat yoldaşı Gülməmmədova Gülsevər Məmməd qızı tərəfindən Səhiyyə nazirinə və ölkə rəhbərliyinə müraciət ünvanlanıb. Bir nüsxəsi də diaaz.space-ya daxil olan müraciədə deyilir:
"Mən və yoldaşım Mürsəl 1965-ci ildə Şəki rayonun Baş Göynük kəndində andan olmuş və 1989-cu ildən ailə həyatı qurmuşuq.
Son illərdə həyat yoldaşım Mürsəldə ciddi ruhi xəstəlik baş vermiş və son dəfə 2021-ci ilin yazında çay kənarıdakı tək evdə işlərkən evin damına ildırım düşmüş və Mürsəl oturduğu ikinci mərtəbədən yerə yıxılmışdır. Bu zaman o ciddi sarsıntı keçirmişdir.
Biz Mürsəlin sənədlərini ƏƏSMN-nin Dövlət Tibbi-Sosial Ekspertiza Agentliyinin Şəki Regional Şöbsinə təqdim etmişdik ki, əlillik təyin edilsin. Lakin orada bildirdilər ki, hələ bu sənədlər kifayət etmir napravleniye vermek üçün.
Sağ olsun Şəki rayon Mərkəzi Xəstəxanasının Psixatriya Xəstəxanasının həkimi Natiq həkim son iki ildə Mürsəli 6 dəfə yataq şəraitində ciddi müalicə etmişdir. Çox təəəssüflər olsun ki, həkim Natiq ismayılov da xəstə hər dəfə müalicə alıb çıxanda yazdığı və təsdiq etdiyi 22 may 2023-cü il, 22 avqust 2023-cü il, 20 oktyabr 2023-cü il, 19 dekabr 2023-cü il və sonuncu dəfə, yəni, 21 yanvar ƏƏSMN-nin əsassız İmtina cavabından sonra yenə də 19 fevral 2024-cü il tarixli xəstəlikdən çıxarış arayışlarının hamısında «Daimi dispanser müşahidə» diaqnozuilə sənədləşdirmişdir. Və əlilliyin meyarlarına uyğun gəldiyi üçün Şəki RMX-nın 2023-cü ilin dekabrında verdiyi forma 88 -ə baxmayaraq 21 yanvarda ƏƏSMN nin aidiyyatı qurumu saxtakarlıqla belə bir ağır dərəcəli psixi xəstəyə imtina cavabı yazmışlar. Xəstə son iki ildə Şəki Psixatriya xəstəxanasında müalicə aldığı zaman o özünü qeyri-iradi pis aparmış, divarları trəpikləmiş, cəzmış, əşyaları dağıtmağa çalışmışdır. Və hər dəfə də onu cəza olaraq ikinci mərtəbədə qapalı vəziyyətdə müalicə etmişlər. Amma xeyri olmamışdır. Bu adama indi də evdə nəzarət altında və dərmanlar verməklə belə saxlaya bilmirik.
Forma 88 veriləndə Şəki MRX-bnın baş həkimi də sənədlərə baxıb məni səmimi qəbul edib demişdi ki, narahat olma hər şey göz qabağındadır. Ərinizin əlilliyinin təyin edilməsi üçün bir də əziyyət çəkib Bakıya getməyinə heç bir ehtiyac yoxdur.
Bildirim ki, Şəki Psixatriya xəstəxanasında son iki ildə fasiləsiz müalicə alan Mürsələ dəfələrlə Xəstəlik çıxarışı sənədi verilmiş və son diaqnoz olaraq “Alseymer xəstəliyi zamanı erkən başlanğıclı demenasiy davranış panutulan ilə.” Qoyulmuş Və qeyd edilmişdir ki, “Ruhi vəziyyəti pisləşmiş, aqressiv olmuşdur.” Həkimlərin qeyd etdiyinə görə belə xəstə birbaşa əlil hesab olunur.
Bu gün də borc alıb xəstəni evdə sakitləşdirici dərmanlar veririk ki, aqressiv hərəkətlərini azaltsın. Amma xeyri yoxdur. başını tez tez divara vurur, evdə əlinə keçən qab qacağı təpikləyir., sındırır.
Budur, TƏBİB dən 6 mart 2024-cü il tarixli formal cavab məktubu almışıq. Hamıya yazdıqları ümumi sözləri bizə də yazıb göndəriblər ki, müayinə və müalicə aldıqdan sonra əlilliyin qiymətləndirilməsinə baxıla bilər və s. söz yığını. Bu TƏBİB rəsmisi hələ bilmir ki, vəziyyət nə yerdədir. Yəni 2 illik müalicədən Mürsəl sağalmayıbsa və əksinə xəstəliyi kəskinləşibsə, Xəstəli «Daimi dispanser müşahidə» yazılırsa hansı müalicdən söhbət gedə bilər. Bu adamlar özlərini savadsız şagird yerinə qoyublar. Amma utanmaq lazımdır.
Cənab Səhiyyə naziri Teymur Musayev!
Xahiş edirəki, Siz bu ƏƏSMN-nin həkim komissiyasının üzvlərinizə göstəriş verəsiniz ki, sağalmaz xəstəlik diaqnozu qoyulan ərim Mürsəl Gülməmmədova yenidən forma 88 göndərişi əsasında əlilliyin təyin olunmasına köməklik göstərilsin.
Cənab Prezident! Sizdən çox xahiş edirəm. Mənim təqdim etdiyim sənədərin əvvəlcə əsaslar üzrə müstəqil həkim komissiyası tərəfindən yoxlanılaraq əlilliyin müəyyən edilməsi üçün rəyin verilməsinə və ƏƏSMN-nin Dövlət Tibbi-Sosial Ekspertiza Agentliyinin komissiyasının verilməsi barədə aidiyyatı üzrə göstərişlər verməyinizi xahiş edir və əvvəlcədən minnətdarlığımı bildirirəm".
Geri qayıt