Yanvarın 28-də Heydər Əliyev Sarayında Azərbaycanın Xalq şairi, ictimai xadim, Dövlət mükafatları laureatı Nəbi Xəzrinin 100 illik yubileyi qeyd olunacaq.
Gununsesi.info xəbər verir ki, yubiley gecəsində tanınmış mədəniyyət və incəsənət nümayəndələri çıxış edəcəklər.
Nəbi Ələkbər oğlu Babayev (Nəbi Xəzri) 1924-cü ildə Bakıda anadan olub.
“İllər və sahillər” (1969), “Ulduz karvanı” (1979), “Nəsillər-əsrlər” (1985), “Ağ şimşəklər” (1986), “Torpaq sənə and içirəm” (1989), “Ömür çinarından yarpaqlar” (1995), “Əsrin qanlı laləsi” (1996) və s. kitabların müəllifidir. Ədəbi və ictimai fəaliyyətinə görə bir sıra orden və medallara, o cümlədən Azərbaycan Respublikasının ali dövlət təltiflərinə — “Şöhrət” və “İstiqlal” ordenlərinə layiq görülüb.
Nəbi Xəzri 2007-ci ilin yanvar ayının 15-də dünyasını dəyişib.
