Ombudsman Aparatından Konstitusiyaya hörmətsizlik...
6-10-2023, 10:07
DİA.AZ: - "6 aydır Bakı İM-in sələfi 1 BİİM-in dövlətin adından çıxardığı 05.07.2017-ci il tarixli, 2-1(81)-1889/17 saylı qərarı 6 ildən sonra-01.04.2023-cü ildən borclu inzibati dövlət orqanının- ƏƏSMN tabeliyində DSMF-in Xüsusi Şərtlərlə Təyinat üzrə Mərkəzi Filialının LƏĞV ETMƏSİNDƏN (?), pensiyama “Əmək pensiyaları haqqında” qanunun 19.2.5 maddəsi ilə hesablanan pensiyanın baza hissəsinin 100 faizi həcmində ( sonradan 110 manat) əlavəni kəsməsindən şikayət etmədiyim dövlət, hüquq orqanı qalmayıb". Bu barədə DİA.AZ-a göndərilən məqalədə deyilir.
Məqalədə daha sonra bildirilir: "Di gəl, hələ də pensiya ödəməyə, məhkəmə qərarını icra etməyə BORCLU olan Xüsusi Şərtlərlə Təyinat üzrə Mərkəzi Filialının Konstitusiyaya, məhkəməyə, dövlətə, hökumətə , insan hüquqlarına “hörmətlə” hörmətsizliyi sürür. Qanunverici hakimiyyəti çıxmaqla, digərləri, hətta insan hüquqları üzrə müvəkkilin özü qanuna zidd olaraq cinayətkar saxtalıqdan şikayəti barəsində şikayət etdiyim DSMF-in sözügedən filialına göndərir və “hörmətlə” aldığı cavabı Konstitusiyaya hörmətsizliklə Konstitusiya aktı kimi sırıyırlar. Hətta qərarı qabaq qəbul edən məhkəmənin özü borclu inzibati orqanın “hörməti” ilə Konstitusiyanı, Məcəlləni hörmətsiz edir.
Ombudsmana məhkəmə qərarının 6 ildən sonra ləğv edilərək, icrasının dayandırılmasından təkrar şikayətimə Aparat rəhbəri, hüquq doktoru Aydın Səfixanlının 04.10.2023-cü il tarixli cavabı insan hüquqlarına, əlil hüquqlarına, Konstitusiyaya hörmətsizlikdən özgə bir şey deyil:” Bakı İnzibati Məhkəməsinin 05.07.2017 tarixli, 2-1(81)-1889/17 saylı qərarı üzrə icra sənədinin icra olunmaması haqqında Ombudsmana ünvanladığınız şikayətinizə cavab olaraq bildiririk ki, bundan əvvəlki eyni məzmunlu ərizənizlə bağlı DSMF-ə sorğu göndərilmişdir. Nəticəsi barədə Sizə (yoxsaBİZƏ?-M.B) verilmiş cavabda bildirilmişdir ki, ... Qanunun 01.01.2021-ci ilədək qüvvədə olmuş 19.1.7.1 maddəsinə əsasən, 1-ci dərəcəli əlilliyi olan şəxslərin əmək pensiyasının sığorta hissəsinə 110 manat məbləğində əlavə verilirdi. (YALANDIR, YALNIZ QARABAĞ ƏLİLLƏRİNƏ, ÖZÜ DƏ AYLIQ ƏLAVƏ NƏZƏRDƏ TUTULMUŞDU, AMMA VERİLMİRDİ-M.B). Bununla əlaqədar Sizə sözügedən əlavə ödənilib (YALANDIR, MƏNƏ , BAŞQA QARABAĞ ƏLİLLƏRİNƏ OLDUĞU KİMİ, HEÇ BİR MƏBLƏĞ ÖDƏNİLMƏYİB, YALNIZ 11 İLDƏN SONRA- 2017-Cİ İLDƏN MƏHKƏMƏ QƏRARI İLƏ QANUNUN 19.2.5 MADDƏSİ ƏSASINDA 11 İLLİK FƏRQ DƏ İÇİNDƏ OLMAQLA AYLIQ 110 MANAT ÖDƏNİLİB-M.B.). Həmin maddə ... 2021-ci ilin yanvarın 1-dən ləğv edilib”.
Görəsən, Ombudsman Aparatının rəhbəri bu cavabla insan hüquqlarına hörmətsizlik etdiyini anlamır? Əlil-qazi dövlətin adından çıxarılan məhkəmə qərarını 6 ildən sonra- 01.04.2023-CÜ İLDƏ borclu pensiya orqanının LƏĞV ETMƏSİNDƏN (?), MƏHKƏMƏ QƏRARININ İCRASINI ÖZBAŞINA DAYANDIRMASINDAN (?) ŞİKAYƏT EDİR, İNSAN HÜQUQLARI ÜZRƏ MÜVƏKKİL MƏHKƏMƏNİN ƏSASLANDIĞI 19-CU MADDƏNİN 01.01.2021-Cİ İLDƏN LƏĞV EDİLMƏSİNİ BİLDİRİR !(?) Deyəsən, anlamır, yoxsa “ SİZƏ QANUN MADDƏSİNİN LƏĞV EDİLDİYİ 01.01.2021-Cİ İLDƏN 31.03.2023-CÜ İLƏ KİMİ ARTIQ 3188.37 MANAT ÖDƏNİLİB” yazıb, həmin məbləğin pensiyadan tutulmasına yazılı razılığın Mərkəzi Filiala təqdim edilməsini bildirməzdi. Yəqin DSMF-in Xüsusi Şərtlərlə Təyinat üzrə Mərkəzi Filialı “Əmək pensiyaları haqqında” qanunun 39-cu maddəsini, pensiyadan 110 manat əlavəni tutub, ümumi məbləği 138.79 manat azaldandan sonra, “yada salıb”. Ombudsmanın və DSMF-in filialının “qarşılıqlı hörmət” diqqətinə çatdıraq ki, həmin 39-cu maddəyə görə, ARTIQ ÖDƏNİLMİŞ ƏMƏK PENSİYASI VƏ ƏMƏK PENSİYASINA ƏLAVƏNİN MƏBLƏĞİ əmək pensiyaçısının RAZILIĞI İLƏ əmək pensiyasını təyin edən orqanın QƏRARI əsasında, RAZILIQ olmadıqda MƏHKƏMƏ QAYDASINDA tutulur. İndi cinayətkar özbaşınalığa baxın, qanunun 39-cu maddəsinin tələbinə zidd olaraq razılığımı soruşmadan pensiyamdan aylıq 110 manat tutulub və köhnə tarixə 3188.37 manatın tutulmasına razılıq xahiş olunur. Razı deyiləm, niyə məhkəmə qaydasında tutulmur? Axı, bu 110 manat elə məhkəmə qaydasında verilir, onu məhkəmə qaydasında necə tutmaq olar? “Hörmətli” Ombudsman Aparatının hüquq doktoru rəhbəri, indi bildiniz niyə borclu özbaşınalıq edir, axı məhkəmə qərarı ilə ayrılan pensiyaya əlavəni heç məhkəmənin özü də kəsə bilməz! Versinlər məhkəməyə 3188.37 manatı tutsunlar da məhkəmə qaydasında. Siz də müvəkkillik edərsiniz, hələ DSMF-in tərkibindəki 39 saylı vəkil bürosu, üstəlik hakimlər də dövlət pensiya orqanının vəkillik xidmətində “hörmətlə” dayanıblar.
İnsan hüquqlarının qorunmasına baxın, tələbkarın məhkəmə qərarı ilə haqq etdiyi pensiyasını borclu 6 ildən sonra kəsir, hələ üstəlik tələbkar əlilin borcluya 3188.37 manat borclu olduğu hüquq müvəkkilliyi kimi sırınır. Ombudsmanın, Aparatının özü haqqında Konstitusiya qanunu bir yana, Konstitusiyanın özündən də xəbəri yoxdur !(?) Olsaydı, 29.12.2020-ci il tarixli “Əmək pensiyaları haqqında” qanunun 19-cu maddəsini ləğv edən , Qarabağ əlillərinin pensiyasına əlavə olunan110 manatı kəsən normativ aktı 14 il geriyə 06.02.2006 tarixli qanuna şamil edilməsini hüquq müvəkkilliyi kimi sırımazdı. Ana Qanunun 149-cu maddəsinin VII hissəsinə görə, fiziki və hüquqi şəxslərin hüquqi vəziyyətini yaxşılaşdıran, hüquq məsuliyyətini aradan qaldıran və ya yüngülləşdirən normativ hüquqi aktların qüvvəsi GERİYƏ şamil edilir. Başqa normativ hüquqi aktların QÜVVƏSİ GERİYƏ ŞAMİL EDİLMİR.
Ombudsman, məhkəmə, icra hakimiyyəti Konstitusiyanı “hörmətlə” hörmətdən salırsa, əlbəttə, məhkəmə qərarını da borclu orqan ləğv edə bilər, hələ üstəlik tələbkarı köhnə tarixə borclu da çıxarar. Belə getsə, Cinayət Məcəlləsinin 306.2-ci maddəsi də tələbkara tətbiq ediləcək, qazi-əlil məhkəmə qərarının icra olunmamasaına görə, 5 min manatdan 7 min manatadək cərimə və ya 3 ildən 5 ilədək azadlıqdan məhrumetmə ilə cəzalandırılacaq.( Artıq başıma gəlib, Xətai məhkəməsinin 26.05.09 və 21.06.2011 tarixli 2 qətnaməsinin icrasını tələb etdiyimə görə, Nizami polisinin , prokurorluğunun, məhkəməsinin, Ədliyyə Nazirliyinin icra şöbələrinin , borclular ƏMDX , Nizami RİH-in, PA-nın “əmlak kralı”nın mütəşəkkil cinayəti ilə 24-cü PŞ-də 9 qabırğamı sındırıb, ağ ciyərimdə hematoma əmələ gətirdiblər, 2 sutka həbsdə işgəncədə olmuşam , evimə də sahə müvəkkili, müstəntiq, rəislərin başçılığı ilə “ləyaqətlə” quldur hücumu təşkil edilib) . Konstitusiya , QANUN ŞAH olsa, pensiya qurumunun pensiyaçılardan tutduğu HAQQ-HÖRMƏT QANUN olmaz. Nə yazıq... Ombudsmana yazıq, məhkəməyə yazıq, qanpulumuzu yeyənlərə yazıq. Bizə də yazıq".
Məsələ ilə bağlı diaaz.space olaraq bütün maraqlı tərəfləri dinləməyə hazırıq...
Geri qayıt