Ərdoğan Kiyevə gedir
9-10-2017, 08:59
Oktyabrın 9-da Türkiyə prezidenti Recep Tayyip Erdoğan Ukraynaya birgünlük rəsmi səfər edəcək.
O, ukraynalı həmkarı Petro Poroshenko ilə Kiyevdə Türkiyə-Ukrayna Yüksək Səviyyəli Strateji Əməkdaşlıq Şurasının iclasına sədrlik edəcək.
Erdoğan-ın Ukrayna parlamentinin spikeri Andriy Parubiy və baş nazir Volodymyr Hroysman-la görüşəcəyi bildirilir.
Səfər zamanı ikitərəfli münasibətlər və regional məsələlər müzakirə olunacaq, bir sıra qarşılıqlı sənədlər imzalanacaq.
Erdoğan-ın ofisinin məlumatına görə, tərəflər Krım məsələsi və Krım tatarlarının durumuyla bağlı da fikir mübadiləsi aparacaqlar.
Rusiya 2014-cü ilin martında Ukraynanın Krım vilayətini ilhaq edib. İnsan haqları qrupları və Qərb hökumətləri Krımda tatarların davamlı təzyiqə məruz qaldığını bildirirlər.
Geri qayıt