Neçə müddətdir ki, neftçilərin əməkhaqqılarının aşağı oilması səbəbindən müxtəlif platformalarda ayrı-ayrı qrup və şəxslər tərəfindən etiraz səslənsə də, bu məsələ hələ də həllini tapmayıb və görünəni odur ki, yetkililər hələlik bu yöndə hansısa addımı atmağı düşünmürlər də...
"DİA-AZ" xatırladır ki, elə keçən günlərdə bu barədə neft çalışanlarının gileylərini təqdim etdik və onlar da israrla tələb edirdilər ki, artıq 4-cü ildir maaşlarında nəinki artım yoxdur, hətta bəzi hallarda azalmalar da var ki, bu da günü-gündən bahalaşan yaşam şəraiti fonunda dözülməz hədd hesab olunmaqdadır.
"DİA-AZ" xatırladır ki, dünən də yeni qiymət artımını bütün ölkə olaraq müşahidə etdik. Söhbət təbii qazın, elektrik enerjisinin və suyun qiymətlərinin bahalaşmasından gedir.
Buna işarə edən Neftçilərin Hüquqlarının Müdafiəsi Təşkilatının sədri, tanınmış hüquq müdafiəçisi Mirvari Qəhrəmanlı bu vaxta qədər maraqlarını müdafiə etdiyi neft çalışanlarının əməkhaqqılarının artırılması tələbilə yenidən müraciət ünvanlayıb.
Onun açıqlamasında deyilir:
"Tarif Şurasının sədri Cənab Mikayıl Cabbarovun çoxsaylı vəzifələrindən biri də SOCAR Müşahidə Şurasının sədri vəzifəsidir.
Cənab Mikayıl Cabbarov, xahiş edirəm, bir gecə də (bu halda həmin gün üçün əmək haqqınız ikiqat ödənilməlidir!) SOCAR işçilərinin də əmək haqlarının “tənzimlənməsi”də Müşahidə Şurasında müzakirə edəsiniz..."
