Məlum olduğu kimi Müdafiə Nazirliyinin Maliyyə və Büdcə İdarəsinin sabiq rəisi general-mayor Nizami Məmmədov, Hərbi Hava Qüvvələrinin Maliyyə Xidmətinin sabiq rəisi polkovnik Cəlal Kazımov, Quru Qoşunların Maliyyə İdarəsinin sabiq rəisi Bayram Bayramov və Hərbi Dəniz Qüvvələrinin Maliyyə Xidmətinin sabiq rəisi Vüsal Əlizadənin cinayət işi üzrə növbəti məhkəmə prosesi davam edir.
Bu arada Bakı şəhəri, Binəqədi rayonu, Biləcəri qəsəbəsi H/şəhərcik-3, ev 14, mən. 2 ünvanında yaşayan Talıbov Əhməd Mahmud oğlu tərəfindən Azərbaycan Respublikası Müdafiə Nazirliyinin Mərkəzi Ərzaq Anbarında baş verən qanunazidd əməllər barədə media orqanlarına müraciət edərək, problemin mətbuatda işıqlandırılması yolu ilə mövcud məsələləri Azərbaycan Respublikası Konstitusiyasının 1-ci maddəsinin I hissəsinə əsasən Azərbaycan Respublikasında dövlət hakimiyyətinin yeganə mənbəyi olan Azərbaycan xalqının diqqətinə çatdırmaqla ictimaiyyətdən kömək istəyir.
Aktualinfo.org-a daxil olan müraciəti olduğu kimi diqqətinizə çatdırırıq:
Bildirirəm ki, mən, 03 dekabr 1990-cı il tarixdə Azərbaycan Respublikası Müdafiə Nazirliyinin Mərkəzi Ərzaq Anbarında sürücü vəzifəsində işə qəbul olunmuşam, dəfələrlə ən qızğın döyüş əməliyyatları gedən qaynar nöqtələrə ezam olunmuşam və hər zaman aldığım tapşırıqları yüksək səviyyədə yerinə yetirmişəm.
İşçisi olduğun MN-nin MBA-da aşkar şəkildə cəza təhdidi altında qadağan olunmuş ictimai təhlükəli əməllərin törədilməsi barədə rəsmi dövlət orqanlarına məlumat verdiyimə görə, mənim haqqımda bilərəkdən saxta və uydurma sənətlər hazırlanaraq MOA rəisinin 18.06.2020-ci il tarixli 135 saylı əmri ilə qanunsuz olaraq işdən azad edilmişəm.
Bakı Apellyasiya Məhkəməsinin 2(103)-2814/2021 saylı iş üzrə 12.04.2021-si il tarixli qətnaməsi ilə Müdafiə Nazirliyi Mərkəzi Ərzaq Anbarı rəisinin 18.06.2020-ci il tarixli 135 saylı əmrinin ləğv edilməsi, Talıbov Əhməd Mahmud oğlunun öz əvvəlki işinə bərpa edilməsi və məcburi işburaxma müddəti üçün əmək haqqı ödənilməsi qət edilmişdir. Lakin qarşı tərəf “Icra haqqında” Azərbaycan Respublikası Qanunun 70.2-ci maddəsinin tələbini kobud şəkildə pozaraq məni öz əvvəlki işimə bərpa etməmişdir.
Qeyd edirəm ki, mən, işdən azad edilən günə qədər yük götürmə qabiliyyəti 26 ton olan MAZ 544005 markalı P 340 QQ nömrə nişanlı avtomobili idarə etmişəm. Minsk avtomobil zavodunun estehsalı olan Maz markalı avtomobillərin texniki götəricilərinin əks olunduğu kitabda həmin avtomobilin tam yüklü vəziyyətdə 100 km məsafəyə 60 km/saat sürətlə cəmi 28 litr yanacaq sərf etdiyi göstərilmişdir.
MƏA-nın Daşıma bölməsinin balansında olan yük maşınları “Maz”, “Kamaz” və “Qazel” markalı avtomobillərdən ibarətdir. Həmin avtomobillər üçün yanacağın sərfiyyatı norması istehsalçı zavod tərəfindən müəyyən edilmişdir. Lakin bununla belə, avtomobillər MBA-na daxil olan kimi onların sərfiyyat norması yenidən təyin olunur və bunun sayəsində tonlarla artıq yanacaq silinərək dövlətə külli miqdarda zərər vurulur. Mənim idarə etdiyim avtomobillə Bakı şəhərindən 370 km məsafədə yerləşən MBA-nın Gəncə bölməsinə 20-25 ton yükleə gedib-qayıtmaq üçün hər dəfə 200 litrden artıq yanacaq sərf etmədiyinin şahidi olmuşam, lakin buna barmayaraq həmin avtomobilə hər reys üçün təxminən 300 litr artıq dizel yanacağı silinirdi.
DTX-ya ünvanladığım müraciət Azərbaycan Respublikasınin Hərbi Prokurorluğuna göndərilmiş və araşdırma nəticəsində müəyyən edilmişdir ki, Müdafiə Nazirliyinin Mərkəzi Ərzaq Anbarının Daşıma Bölməsinə məxsus avtomobillərin yanacaq sərfiyyatı zavod tərəfindən müəyyən edilmiş norma üzrə deyil, guya Azərbaycan Respublikası Müdafie nazirinin 05 may 2014-cü il tarixli 21 nömrəli qərarı ilə təsdiq edilmiş “Azərbaycan Silihlı Qüvvələrində hərbi texnikaların, silahların, avadanlıqların, texniki vasitələrin istismarı, təmin ve konservasiyası üçün yanacağın, yağların, sürtgülərin, xüsusi mayelərin sərfiyyatı Normalarında dəyişikliklər edilməsi haqqında 28.07.2017-ci il tarixli qərarına əsasən silinir. Həmin qərarda MAZ 544005 markalı avtomobilin 100 km məsafə üçün istehsalçı zavodun müəyyən etdiyi norma 21 litr artırılaraq 49 litr göstərilmişdir. Halbuki avtomobil istehsalı ilə heç bir əlaqəsi olmadığına görə Müdafiə Nazirliyinin avtomobil zavodunun müəyyən etdiyi normanı artırmaq səlahiyyəti yoxdur və bu sadəcə olaraq bir korrupsiya mənbəyidir.
Bununla əlaqədar “Google”-də axtarış verərərək müəyyən etmişəm ki, Azərbaycan Respublikası Müdafiə nazirinin Azərbaycan Silihlı Qüvvələrində hərbi texnikaların, silahların,avadanlıqların, texniki vasitələrin istismarı, təmiri və konservasiyası üçün yanacağın, yağların, sürtgülərin, xüsusi mayelərin sərfiyyatı Normalarında dəyişikliklər edilməsi haqqında 28.07.2017-ci il tarixli qərarı ümumiyyətlə mövcud deyildir.
Nəzərə alsaq ki, hər bir avtomobilin illik yürüş norması 25000 kilometrdir, il ərzində dövlət büdcəsinə külli miqdarda maddi zərər vurulduğu göz qabağındadır.
Lakin bütün bunlara baxnayaraq, Azərbaycan Respublikası Hərbi Prokurorluğunun Hərbi təsisatlarda qanun pozuntuları barədə məlumatların araşdırılması şöbəsinin prokuroru Novruzzadə Elnur Elman oğlu 07 may 2024-cü il tarixdə “cinayət işinin başlanmasının rədd edilməsi haqqında” qərar qəbul etmişdir.
Azərbaycan Respublikası Cinayet Prosessual Məcəlləsinin 212.3-cü maddəsine əsasən Azərbaycan Respublikası Hərbi Prokurorluğun 07.05.2024-cü il tarixli qərarından məhkəmə nəzarəti qaydasında Bakı Hərbi Məhkəməsinə şikayət vermişəm.
Bakı Hərbi Məhkəməsinin 6-1(093)-13/2024 saylı 29.07.2024-cü il tarixli qəraraı ilə Talıbov Əhməd Mahmud oğlunun verdiyi şikayət icraata götürülmədən geri qatarılmışdır.
Qərar onunla əsaslandırılmışdır ki, Talıbov Əhməd Mahmud oğlu yalnız bu qərar onun hüquq və azadlıqlarını pozduğu, onun hüquqlarının müdafiəsi üçün məhkəməyə müraciət hüququnu məhdudlaşdırdığı təqdirdə həmin qərardan şikayət verə bilərdi.
Lakin məhkəmə onu nəzərə almamışdır ki, Azərbaycan Dövlətinin mənafeyine vurulan zərər hər bir Azərbaycan Respublikası vətəndaşının mənafeyinə vurulan zərər deməkdir.
Azərbaycan Respublikasının Müdafiə Nazirliyində mütəşəkkil şəkildə dövlətə qarşı uzun illər boyu hər gün təkrar törədilən ağır cinayət əməlləri barədə dəfələrlə elektron qaydada və Azərbaycan Respublikası Dövlət Təhlükəsizliyi Xidmətinin inzibati binasında yerləşən 205 nömrəli otaqda məni qəbul edərkən adının Anar olduğunu bildirən əməkdaşa biləvasitə, yəni əlbə-əl ərizə təqdim etməklə rəsmi qaydada məlumat vermişəm.
Azərbaycan Respublikasının Dövlət Təhlükəsizliyi Xidməti, qanunvericiliklə müəyyən edilmiş səlahiyyətlər əsasında ölkəmizin milli təhlükəsizliyinin təmin olunması məqsədilə fəaliyyət göstərən xüsusi xidmət orqanıdır. Bu fəalliyyət çərçivəsində DTX xarici xüsusi xidmət orqanlarının, təşkilatların və ayrı-ayrı şəxslərin Azərbaycan Respublikasının müstəqilliyinə, suverenliyinə, ərazi bütövlüyünə, konstitusiya quruluşuna, iqtisadi, müdafiə, elmi-texniki potensialına və digər milli maraqlarına zərər vura biləcək kəşfiyyat, terror- təxribat ve sair pozuculuq əməllərinin aşkarlanması, qabaqlanması və qarşısının alınması İstiqamətində əks-kəşfiyyat, əməliyyat-axtarış və istintaq tədbirləri həyata keçirir. Konstitusiya quruluşunun əsasları və təhlükəsizliyi əleyhinə olan cinayətlər, terrorçuluq. kibercinayətlət, habelə dövlətin ictimai və iqtisadi sahədə milli təhlükəsizlik maraqlarına və qanunla qorunan mənafelərinə mühüm zərər vuran cinayətlərin vəzifəli şəxs tərəfindən törədildiyi aşkar olunduqda, həmin cinayətlərə dair işlər üzrə ibtidai istintaqı Azərbaycan Respublikasının Dövlət Təhlükəsizliyi Xidməti aparır.
Lakin Azərbaycan Respublikası Dövlət Təhlükəsizliyi Xidmətinə etdiyim müraciətlər araşdırılmadan, birbaşa Azərbaycan Respublikasının Ali Məhkəməsinə göndərilmişdir. Halbuki belə məlumatların araşdırılması Ali Məhkəmənin səlahiyyətləri dairəsinə aid deyildir. Halbuki belə məlumatların araşdırılması Ali Məhkəmənin səlahiyyətləri dairəsinə aid deyildir.
Azərbaycan Respublikasının Ali Məhkəməsi, Konstitusiyanın 131-ci maddəsinin I hissəsinə əsasən, ümumi və ixtisaslaşdırılmış məhkəmələrin icraatına aid edilən mülki, cinayət və digər işlər üzrə ali məhkəmə orqanıdır, o, kassasiya qaydasında ədalət mühakiməsini həyata keçirir, məhkəmələrin praktikasına aid məsələlər üzrə izahatlar verir.
Azərbaycan Respublikasının Ali Məhkəməsindən mənə göndərilən 08 oktyabr 2024- cü il tarixli 1-8/2-T-4941/5-23-12155/2024 №-li ve 25 oktyabr 2024-cü il tarixli 1-8/2-T- 4941/10-23-13231/2024 №-li eyni məzmunlu cavab məktublarında, əvvəlcədən mənə məlum olan məlumatlar təqdim etdiyim ərizələrdən köçürülərək göstərilmişdir: “Bildiririk ki,Bakı Hərbi Məhkəməsinin 2024-cü il 29 iyul tarixli 6-1(093)-13/2024 nömrəli qərarı ilə Azərbaycan Respublikası Hərbi Prokurorluğunun Hərbi təsisatlarda qanun pozuntulan barədə məlumatların araşdırılması şöbəsi tərəfindən 27C-24 saylı toplanmış araşdırma materialları əsasında qəbul etdiyi 2024-cü il 7 may tarixli “Cinayət işinin başlanılmasının rədd edilməsi haqqında” qərarından tərəfinizdən verilmiş şikayət icraata götürülməmiş və geri qaytarılmışdır.”
04 noyabr 2024-cü il tarixdə Azərbaycan Respublikası Dövlət Təhlükəsizliyi Xidmətinə yenidən elektron qaydada müraciət edərək, başqa çıxış yolu tapa bilmədiyim üçün Müdafiə Nazirliyinin balansında olan avtomobillərə artıq yanacaq silinməklə dövlət büdcəsinə külli miqdarda zərər vurulması ilə nəcilənən cinayət əməllərinə son qoyulması məqsədi ilə media orqanlarına müraciət edərək, problemin mətbuatda işıqlandırılması yolu ilə mövcud məsələləri Azərbaycan Respublikası Konstitusiyasının 1-ci maddəsinin I hissəsinə əsasən Azərbaycan Respublikasında dövlət hakimiyyətinin yeganə mənbəyi olan Azərbaycan xalqının diqqətinə çatdırmaqla ictimaiyyətin köməyindən istifadə edəcəyimi bildirmişəm.
Həmin müraciət də araşdırılmadan Azərbaycan Respublikasının Ali Məhkəməsinə göndərilmiş və cəmi 1 (bir) gün sonra Ali Məhkəmədən mənə verilən 05.11.2024-cü il tarixli 1-8/2-T-4941/11-23-13795/2024 №-li məktubun mətni əvvəlki məktublarin mətni ilə eynidir. Hesab edirəm ki, bütün bunlar dövlətə qarşı törədilən ağır cinayətlərin qarşısının alınmasına çalışdığın üçün mənim və Azərbaycan Respublikası Konstitusiyası ilə və digər qanunlarla təsbit edilmiş hüquq normalarının aşkar şəkildə ələ salınması deməkdir.
Buradan belə bir nəticəyə gəlmək olur ki, vəzifə borcu olaraq Azərbaycan dövlətinin təhlükəsizliyini təmin etməli olan yüksək vəzifə və qanun üzrə xüsusi səlahiyyətlərə malik olan şəxsləri dövlət mənafeləri deyil, yalnız özlərinin müxtəlif qanunsuz, haram yollarla xalqdan və dövlətdan talama yolu ilə topladıqları var-dövlətlərinin qorunması maraqlandırır.
Azərbaycan dövləti heç kimin şəxsi mülkiyyəti və yaxud atasından ona qalan miras əmlak deyildir. Bu dövlətin müdafiəsi uğrunda müqəddəs şəhidlərimiz öz canlarını qurban verərək onu qurumuşdurlar və heç kəsin dövlət məraqlarına zərər vurmaq haqqı yoxdur.
Yuxarıda qeyd edilənləri nəzərə alaraq, Müdafiə Nazirliyinin balansında olan avtomobillərə artıq yanacaq silinərək dövlət əmlakının mənimsənilməsi faktının hərtərəfli, obyektiv araşdırılıb Azərbaycan Respublikası Cinayət Məcəlləsinin 179.4-cü maddəsi ilə cinayət işinin başlanılması, təqsirkar şəxslərin dairəsinin tam müəyyən edilərək onların əməllərinə müvafiq hüquqi qiymət verilməsinidə mənə köməklik göstərməyi və müraciətimə baxılması haqqında [email protected] elektron ünvana cavab yazmağı Sizdən xahiş edirəm.
Aktualinfo.org
