Hakimiyyət daxilində növbəti qurbanlar kimdir - Ənənəvilər köhnə və yeni rəqiblərini hədəfə alıb
14-04-2014, 09:08
DİA.AZ: - Hakimiyyət içindən çalxalanır. Artıq iqtidar daxilində toqquşan qüvvələr bir-birilərinə zərbələr vurmaqdadırlar. Son zamanlar çox mühüm postlarda həyata keçirilən kadr dəyişikliklərini qeyd etdiyimiz situasiyanın bariz təzahürü kimi qiymətləndirmək lazımdır.
DİA.AZ-ı bilgiləndirən məlumatlı mənbənin iddialarına görə, son günlərin dəyişikliyində əsas maraqlı tərəf kimi çıxış edən iqtidariçi qüvvələr artıq növbəti hədəfləri barədə də dəqiq bilgiləri ictimaiyyətə sızdırmaqdadırlar.
Mənbənin söylədikləri: «Sırada nəqliyyat naziri Ziya Məmmədov və «Azenerji»nin prezidenti Etibar Pirverdiyevdir. Onlara qarşı total hücum var və plan baş tutarsa, yaxın vaxtlarda hər iki fiqura «əlvida» deyiləcək».
Məlumatlı mənbə diaaz.space-a verdiyi informasiyasında onu da vurğuladı ki, iqtidariçi balansda ciddi dəyişikliyə nail olunmadığından ənənəvilər həm köhnə və həm də yeni rəqiblərilə birdəfəlik haqq-hesab çürütməkdədirlər.
Geri qayıt