Bu da “Baku Electronics”in “VİP XİDMƏTİ”...
18-03-2024, 09:15
"Mən 22.11.2023-cü tarixində "Baku Electronics"in Sumqayıt filialından 1 ədəd SCHAUB LORENZ SLB ES6627 markalı soba,1 ədəd isə MİCROWOWEN SAMSUNG markalı mikrodalğalı soba almışam.Və şirkətin özünün verdiyi 1 illik rəsmi zəmanətdən əlavə olaraq,əlavə ödəniş edib 2 illik də əlavə vip zəmanət əldə etmişəm. SCHAUB LORENZ markalı sobanı cəmi 2 dəfə istifadə etdikdən sonra sobanın üst spiralı xarab oldu və yararsız hala düşdü". diaaz.space bildirir ki, bunu "Müştərinin Səsi" sosial qrupundakı paylaşımında Pərviz Səmədov adlı istifadəçi bildirir.
Narazı vətəndaş daha sonra yazır: "Bununla bağlı 19.02.2024 tarixində "Baku Electronics" şirkətinin "143 qaynar xətti" ilə əlaqə saxladım. Servis xidmətinin əmədaşı sobaya baxış keçirtdi və üst spiralın yandığını və zəmanət talonuna əsasən yenisi ilə əvəz edilməli olduğunu vurğuladı. Bundan sonra mən şirkətdən hər hansı cavab gözləməli oldum.
Lakin heç kimin maraqlanmadığını görüb yenidən 19.02.2024-cü il tarixində "143 qaynar xətti" ilə əlaqaə saxladım. Mənə bildirdilər ki, əgər bu detaldan anbarda olarsa, dəyişəcəyik, əgər yoxdursa, Çindən şirkətin zavodundan sifariş verəcəyik və 40-60 gün ərzində yeni detal gələcək. Bu söhbətdən sonra məni anbara yönəltdilər. Anbardan mənə bildirdilər ki, bu detaldan yoxdu, 40-60 gün gözləməli olacaqsınız. Mən buna etiraz etdim. Bildirdim ki, cəmi 2 dəfə bu sobanı istifadə etmişəm, qabaqdan bayram gəlir, sobanı istifadə etməliyik. Bildirdim ki, ya bu sobanı dəyişin və yenisi ilə əvəz edin, ya da spiralı yenisi ilə əvəz edin.
Bu müraciətimi araşdırıb geri dönüş edəcəklərini bildirdilər. Sonra mənimlə əlaqə saxlayıb bildirdilər ki, sobanın üstündəki spiralı açıb aparmalıyıq və yenisini gətirməliyik. Mən onlara bildirdim ki, yenisini gətirmək üçün üstündəki spiralı aparmağa ehtiyac yoxdur. Bütün detallar müasir dövrdə kodla, marka ilə qeyd olunur. İzah etdim ki, hər hansı maşın detalı alanda belə göznən seçim etmirlər. Model istehsal ili və kod nəticəsində təyin olunur. Mənə sübut etməyə çalışdılar ki, spiralı çıxardıb aparmaqda məqsəd başqa firmaların spiralı ilə üst-üstə qoyub bənzərini tapıb gətirməkdir.
Mən bildirdim ki, eyni mənim sobamdan "Baku Electronics"də hal-hazırda satışda var. Onların birinin üstnüdən çıxardıb gətirin. Yenə də qeyri-adekvat cavablar verərək mənə bildirdilər ki, guya servis şöbəsi belə tələb edir. Servisin rəhbəri deyir ki, üstündəki spiral çıxamalıdır ki, baxaq. Mən servis şöbəsinin rəhbəri ilə əlaqə saxladım.
Bütün bunları ona izah etdim. Dedim ki,ölçü götürmək istəyirisinizsə, gəlin mənim evimdə götürün. Servis şöbəsinin rəhbəri mənə bildir ki, "143 qaynar xətti"ndən səhv məlumat veriblər. Biz spiralı ona görə sizin sobanın üstündən çıxardırıq ki, eynisini zavoddan sifariş verək. Mən ona dedim ki, "143 qaynar xətt" sizdən soruşub mənə bildirib ki, başqa sobanın üzərindən çıxardıb gətirəcəklər. Dedi yox onlar səhv edirlər.
Burdan göründüyü kimi "Baku Electronics" mənim xarab olmuş öz spiralımı keyfiyyətsiz detalla içini dəyişib yeni orjinal detal kimi özümə qaytarmaq istəyir. Mən hətta servis şöbəsinin rəhbərinə bildirdim ki, zavoddan 60 günə gəlir. Mən bu qədər müddət gözləmək istəmirəm. Bildir ki, biz sürətli sifariş verəcəyik. Ona da bildirdim ki, kod və model məlumatları var sizdə, o formada sifariş verin. Mənə dedi ki, biz sizin spiralı qəlibə qoyacağıq. Ölçülərini götürəcəyik. Mən ona bildirdim ki, siz artıq məni dolayırsız, məni təhqir edirsiz bu cür cavablarla. Ya mənə orjinal yeni spiral gətirin, ya da sobanı dəyişin.
Bu 17 gündə "Baku Electroniks"də adam qalmayıb ki, danışmıyım. Ən son onlara bildirdim ki, bu dəyqə Antiinhisar və İstehlak bazarına nəzarət dövlət xidmətinə şikayət edəcəm. Saytlara bu barədə bildiricəm. Yetər məni doladız. Ondan sonra dedilər ki, xahiş edirik səbirli olun... mağazamıza eyni sobanın üzərindən yeni spiral gətirim dəyişəcəyik detalı. Sonradan yenə zəng edirlər ki, nə şikayətiniz olsa bizimlə əlaqə saxlayın həll edəcəyik. Bu gün yenidən sms gəlib ki, nömrəmə ki, sizin sobanız təmir edildi. Yenisi ilə əvəz edildi. Yenidən "143 qaynar xətti" ilə əlaqə saxladım ki, heç kim gəlib heç nə düzəltməyib. Mənə heç zəng edilməyib. Bu nə mesajdı gəlib. Dedilər üzürlü sayın, servis şöbəsi bizə məlumat verib. Bir sözlə, artıq 17 gündür ki, məni dolayıblar. Problemi həll etmirlər. Hər gün deyirlər müraciətinizi qeydə aldıq...."
Geri qayıt